شو السعادة .. ؟ - أنس مقدادي

إنك تشوف حالك بين الناس .. إنك تتحدى نفسك .. إنك تعيش بأمان .. إنك تكون مشغل عقلك .. إنك تكون شوي مجنون .. إنك تكون عفوي .. اه اه , أنا من جهتي بشوف السعادة بعفويتك , ع البساطة البساطة و يا عيني ع البساطة .. وكمان شغلة هي من أكثر الشغلات يلي بكون فيها سعيد , لما حدا يفاجئني بفنجان قهوة , صدقاً هاي مو عارف شو احكي لدرجة السعادة يلي بكون فيها بوقتها ! طيب .. أنا إذا بحبك بقلك .. إذا بكرهك كمان ما بعبرك , لهيك أي واحد ما بحكي معه , أو كنت احكي معه وبطلت أشوفه , بين قوسين , أفهم أني مو طايقك ومتعمد أبعد عنك وما اشوفك , مو اني ما معي وقت أو بتمنى ويا ريت ارجع احكي معك ونقعد سوا ومن هالحكي , لا حبيبي لا غلطان سيبك مني .. أنت كيف بتشوف السعادة بحياتك ؟ كمان السعادة أنت بتقدر تصنعها , حتى لو على العالم الافتراضي " الانترنت " .. في ناس بتصنع السعادة من خلال الثلاجة " الاكل يعني " في ناس بتصنع السعادة من الكتب في ناس بتصنع السعادة بالقعدة وراء التلفزيون في ناس بتصنع السعادة بحضور الافلام في ناس بتصنع السعادة بتربية الحيوانات في ناس بتصنع السعادة بجمع العملات في ناس بتصنع السعادة بمتابعة الرياضة أو ممارستها في ناس بتصنع السعادة بشغلها وفي ناس .. كثير أمثلة لو بدي احكيها ما بخلص .. كل إنسان بصنع السعادة بطريقته .. وبكل صراحة , إذا السعادة ما كانت طالعه من جوا جوا قلبك , هاي مو سعادة #احكيلي .. أنت كيف بتصنع السعادة ؟