حلوة الحياة بالأمل.. حلو أنه نكون عايشين بأمل حتى لو أشياء يمكن أنت متخيلها أنها ما هتصير بس لما يضل عندك أمل كل شي بصير معك... الأمل والإرادة ما فيهم شي مستحيل.. ياما إنسان رسب وضيّع سنة بحياته ومع إرادته وأمله نجح وصار أحسن الناس ورفع راس أهله.. وياما حدا كان عنده شغلة صعبة ومستحيلة بس مع الأمل الي عنده عمل المستحيل.. حدا مريض وصعب أنه يشفى ويوقف على رجليه من جديد بس مع أمله وإرادته صار وكبر وشفي وصار أحسن الناس هذا لأنه الأمل ما فيه شي مستحيل.. أنت توجيهي ورسبت أكثر من مرة لا تضعف ولا تنهار ولاتوقف الأمل .. لا أدرس أكثر من قبل وادعي لربك بتلاقي حالك لقيت تعبك وأنه تعبك ما راح على الفاضي.. بتحبها وتركتوا أكثر من مرة والكل وقف ضدكم معلش خلي عندك أمل أنه هتكونوا لبعض وأول عن آخر اعرف وتأكد أنه الله مستحيل يختارلك شي مو خير لإلك دايما ربنا بيختارلنا الأفضل والخير صح ببعد عنا أشياء بنحبها بس لأنه بكون عارف أنه هذا الشي مو منيح لإلك وصح برسبك أو بضيع عليك حلم كنت تحلم فيه بس لأنه بيعرف أنه لو أنت نجحت هاي المرة يمكنن ما يكون الك مجال تشتغل يلي بدك اياه أو ما يكون معدلك مناسب لتختار التخصص يلي بدك اياه فبده اياك تعيد وتتعب ويكون عندك أمل كبير أنه ربنا هيختارلك الخير ويوفقك.. وكمان مو كل شي بيجي بسهولة ربنا بده ايانا نتقربله وندعيه وهو يستجيب.. خلي عندك أمل كبير كثير أنه ربنا رح يعطيك يلي بدك اياه بالآخر بس بدو اياك تتعب على حالك لأنه ما في شي بيجي بسهولة.. خلي أملك مرتبط دايما بربك وبصلاتك إذا ما بتصلي صير صلي وادعي وكون متأكد 100% أنه ربنا هيستيجبلك حتى لو بعد وقت طويل.. كثير حلوة حياتنا لما نكون متفائلين دايما وما نزعل على شي راح ونكون متأكدين أنه لو فيو خير كان ما راح وأنه ربنا اختارلنا الأفضل بكل شي دراسة حب مرض كلشي ربنا بيبتلينا فيه مشان يحمينا من غيره ويخلينا نتقربله وندعيله.
وربنا ما بياخد منك إلا مشان يعوضك بشي أحسن.. أخد منك شغلك يلي كنت تصرف منه على حالك مشان يرزقك بشغل يناسبك ويناسب ظروفك.. رسبك مرة ومرتين مشان ينجحك بمعدل يرفع راس أهلك ويسمحلك تختار يلي بدك اياه وتحقق أحلامك.. ابتلاك بمرض مشان يخلي عندك أمل أنه تشفى.. لا تيأس بالمرة خلي دايما أملك بالله كبيير 💕 وتقرب من ربنا وادعي وقتها حتى حياتك هتصير أحلى.