سيما سمارة - الأردن
٢٠١٤ كان رسمي سيء للغاية كنت أشوه كل حدا برسمه ،كنت شايفة بالصورة #نانسي عجرم و بقنع الناس إنو هاي نانسي قبل عمليات التجميل!
كان الكل يضحك علي و يستهزء و للأسف ما حدا فكر يدعمني أو يجاملني ، الكل كان يحكيلي إتركي هالهبل و أدرسي أحسلك!
يعني معقول إنتي بتدرسي صيدلة و عندك وقت للرسم و الحكي الفاضي ! ، كان الشاطر اللي يشوف رسماتي يقعد يضحك و يعلق و يستهزء فيهم!
كان كلامهم جارح و بضايق وما في أي تشجيع ، صح أنا ما كنت أعرف أرسم بس أنت ما رح تخسر شي لو قلتلي كلمة حلو ! بس مع كل هاد ما تخليت عن حلمي ، كنت مؤمنة إني بحب الرسم و عندي حب و شغف بهالموضوع و إني رح أصير أعرف أرسم !
من ٢٠١٤ و أنا برسم ، كنت أرسم باليوم أكتر من ٥-٦ ساعات بس منشان أدرب حالي على الرسم و أتعلم الرسم الصحيح ، صرت أحضر على اليوتيوب وما أخلي فيديو بخص الرسم غير أحضره و ما مر علي يوم في ٢٠١٤-٢٠١٥ إلا رسمت فيها رسمة ، ضليت هيك لوصلت للنتيجه هي في ٢٠١٥ بفضل الله أولاً و خيراً .. ببساطة الإرادة و حب العمل و التعب بجيب نتيجة و أهم شي ، لازم نشكر الناس اللي ضحكو علينا و حكولنا نحنا فاشلين ، نحنا بسببهم صرنا و بسبب إستهزائهم كبرنا وهمه كانوا سبب لنطلع الثورة اللي جواتنا .. بشكر من قلبي كل شخص إستهزأ بأول رسمه رسمتها و قلي إني ما بعرف إرسم ، إنت كنت سبب إني أوصل لهالمنشان احكيلك مافي انسان فاشل اذا بدنا نتعلم رح نتعلم و نبدع و ننجز كتير... #ما_تيأس ضلك ورا حلمك شو ما يكون و أهم شي تذكر إنه عندك يوتيوب و إنترنت تتعلم منهم شو ما بدك .. #إتعب على حالك بتلاقي أحلى نتيجة ، و قصتي مع الرسم قصة صغيرة كتير مقارنة بأشخاص أنجزوا إنجازات عظيمة بس بالأخير كلو نفس الفكرة و نفس المبدأ ، كلهم حطوا هدف بين عيونهم و حققوه و أهم شي ما سمعوا للناس المحبطه..
ببساطة الإنسان اللي بحكيلك فاشل أو بده يحبطك هاد الإنسان خايف إنك تنجح و تصير إحسن منه ..
لا ترد على إحباطه ، أمن و تمسك بحلمك وهدفك و ما تسمع لحدا رح توصل للي بدك ياه باذن ربنا .
