سارة ناصر – تصوير فوتوغرافي
- Admin
- 28 سبتمبر 2016
- 1 دقائق قراءة
سارة ناصر ، الأردن .
بشتغل في مجال التصوير ومرشدة محلية بخرائط جوجل، وأحد مصوري فريق ناس عمان
IT مع انه دراستي كانت
ماحبيت أشتغل بهاد المجال .. حبيت اخصص وقتي للتصوير أكتر ، بديت أصور بكاميرا الموبايل لما اشوف اي شي حلو قدامي اصوره .
كتير بنتبه ع تفاصيل وادقق فيها مع انها بالنسبة لبعض ناس عادية.. دائما أضلني أصور وين ما أروح بأي مكان !
التصوير بالنسبة الي ادمان .
في يوم من الأيام نويت اشتري كاميرا احترافيه لحتى انمي هالموهبة ، وفعلا نويت انه احوش من مصروفي الخاص
وبعد سنة تقريبا حوشتها وشريتها .
وشوي شوي بديت اتعلم عليها واتدرب واخد ورشات تصوير واحضر دروس على اليوتيوب واسأل مصورين كبار .
الحمدلله تصويري كان عم يتحسن يوم بعد يوم..التصوير فتحتلي ابواب كتيرة وكتير تعرفت على ناس من خلال هاد . المجال ومستحيل افكر اتركه في يوم من الايام . التصوير بالنسبة الي هو فن واحساس وجمال. صحيح كان حلمي بسيط اني اجيب كاميرا احترافية لكن الحلم كبر وصار حلمي اني اصير مصورة محترفة، ويوصل صوري لكل الناس.. اذا عندك حلم ضلك وراه وماتخلي اشي يحبطك ولا تسمع وترد ع التعليقات السلبية اللي حواليك .. اجتهد واتعب على حالك عشان توصل وتحقق حلمك .
Comments