سارة شرف – الرسم ورسم الحناء

---

سارة شرف ، الاردن درست تربية طفل و عندي خبره بمجال تدريس الأطفال ، إشتغلت مع نوادي ضمن مجال تخصصي لإني بحبه .. نوادي صيفية و دائمة بس توجهت لميولي و لموهبتي لحتى أفتح شغل خاص اللي . و أول راتب اللي كان و عمري 18 سنه 85 دينار و بضلهم احلى 85 دينار بحياتي . كنت بشتغل بهوايتي بالرسم ع الزجاج بمشغل للرسم و بداوم بس وقت فراغي .. نميت موهبتي و انفصلت عن المشغل و تعبت ع حالي شوي 3 سنين زمن وهلا صرلي سنة مبلشه مشروعي برسم الحنا و صرت اطلع ال 85 باليوم و ب بيتي وانا ماخده راحتي وبكمل بدراستي و بصرفي ع حالي و ع اللي حولي كمان مع إنه عمري لسا 21 حالياً صفحتي على الفيس بوك فيها أكتر من 80 ألف متابع من كل الوطن العربي و بوسع بمشروعي بالتدريج . من مواهبي الرسم و التصوير و شغلي بالحنا ساعدني إني اجيب كاميرا و أشتغل أكتر على موهبتي .

بنصح الكل يتوجهوا لميولهم و يفتحوا مشاريع خاصة فيهم ، كل البدايات صعبة بس إتعب شوي بمشروعك ولا تضلك تعبان طول العمر وإنت بتطور بمشروع غيرك " شغل الشركات " نظام الشركات بستنزف الإنسان و بضيع صحته و حياته و بحط قدراتك ضمن إطار و بقتلها بكتير من الحالات .

مع الإصرار و الثقة بقدراتك ما في مستحيل .. و بعمرك ما تسمع للناس المحبطين حوليك .. خليك قد حالك و قد طموحك . وتأكد لو شو ما كانت موهبتك .. الشغل مش عيب ولا حكر على فئه ، الشغل شرف للإنسان .. وطالما بتحب شغلك رح تبدع فيه و تتميز عن غيرك .

---

سارة شرف – الرسم ورسم الحناء

سارة شرف – الرسم ورسم الحناء

سارة شرف – الرسم ورسم الحناء

سارة شرف – الرسم ورسم الحناء

سارة شرف – الرسم ورسم الحناء

سارة شرف – الرسم ورسم الحناء

سارة شرف – الرسم ورسم الحناء

سارة شرف – الرسم ورسم الحناء