اللوحة الأصليّة لغلاف الطبعة السابعة من رواية #خاوية مع الرواية نفسها، ومع التي رسمتْها: الفنّانة #أسيل_بسطامي
اسيل بسطامي ، الأردن .
بدأت الرسم من عمر صغير بس ما كان أهتمامي الأول ، كنت اشوف صور بالجرايد وأرسمها ، ب 2013 ( كان عمري وقتها١٥ سنة ) قررت اني ابدا اتعلم رسم مش مجرد اني اضل اخربش وخلص . بحثت على الانترنت عصور وفيديوهات اتعلم منها ودورت عاسامي جروبات عالفيسبوك دخلها بالرسم والفن حتى انخرط بهاد المجتمع شوي ، طبعا بالبداية كان رسمي سيء بس كنت احس حالي لما اخلص رسمة اني عملت انجاز عظيم ، قررت ادخل معهد رسم عشان يصير اسهل علي الموضوع بالفعل سجلت وضليت شهر واتعلمت اساسيات بسيطة جدا ، بس ما قدرت اكمل للاسف وانزعجت وحسيت انه من غير معهد مش رح اتعلم ، بعدين حطيت بمخي انه بقدر اتعلم من دون ما حدا يعلمني ، صرت ارسم كتيير واسأل فنانين عن نقدهم ورأيهم وبدا يتطور رسمي شوي شوي ، والناس استغربت انه كيف لحقت احقق هل قد فرق بوقت قصير ، عملت صفحة عالفيسبوك عشان انشر عليها رسمي ، بعد ما اتقنت الرسم بالرصاص شوي بديت اجرب ارسم بخامات وطرق ما جربتها من قبل ، ب٢٠١٥رسمي صار واقعي , قبل التوجيهي تحديدا رسمت لوحة بشهر عمساحة كبيرة اول مرة برسم عليها ، وكانت انجاز كبير بالنسبة الي ختمت فيه ٢٠١٥ ، بعد ما اكتفيت من الرسم الواقعي قررت اني ابدا ارسم من خيالي ولوحات معبرة والها معنى اكتر ، بس كنت توجيهي وقتها وطبعا ما وقفت رسم حتى وقت الوزاري رسمت وجبت ٩٢.٨ بعد ما خلصت توجيهي ، سجلت بجامعة الاميرة سمية التخصص يلي حاببته انيميشن وطبعا في ناس انتقدت "جايبة بالتسعين وتخصصك افلام كرتون" ، خلال ٢٠١٦ طلعت بمقابلتين عالتلفزيون ومقابلتين عالراديو وتقرير عني بالجريدة وصفحات كتير عالفيسبوك نزلو عن رسمي وبديت اصور مع ناس عمان ، اشتغلت لاول مرة وانا عمري ١٨ حاليا بمجال بحبه وهو تعليم الرسم للصغار بمدرسة ، احدى رسماتي صارت غلاف لرواية، هلا بالاضافة للرسم بديت اتعلم عالفوتوشوب واتعمق بالتصوير اكتر. رح اضل طول عمري اتعلم لانه الفن ما بيخلص ،حققت شغلات ما توقعت بيوم احققها. وان شاء الله القادم افضل واجمل .
