فرح عبد الرحيم عودة ، الأردن
من وأنا صغير كنت أحب الأوان و كنت أجمعهم وأمزجهم وأنبسط فيهم ، كنت بستنى حصص الفن لحتى أرسم فيها و أستخدم الواني .
ب 2012 التفت بابا لموهبتي اللي جواتي وبدأ يدعمني من كل النواحي ، صرت أهتم كتير بالرسم وأرسم وأخطأ وأرجع أرسم لتزبط معي .
تعرفت على مجموعة فنانين كانوا يساعدوني بإنتاقداتهم ونصائحهم وكنت أتابعهم وأتابع فنانين مشهورين ومعارض وفيديوهات عاليوتيوب لحتى أحسن من مستواي وأتطور .
رسمت بكل شي ، مائي ، زيتي ، رصاص و فحم ، وحبيت أعمل إشي غير عن العادة ، رسمة بالنسكافية و بالمنكير و بالروج وكانت تجارب حلوة كتير ..
شاركت بمسابقات و فعاليات لحتى التقي بفنانين جدد وأتعلم منهم وأسمع نصائحهم وإنتقادائم اللي كانت سبب تطوري الملحوظ " ولحتى أكتسب من مواهبهم وفنهم شي يفيدني ويحسن من مستواي ، وطبعآ معرفتهم كانت دافع كبير لإلي بالإصرار للوصول .
إستضفت ببرنامج تلفزيوني وكانت تجربة جميلة جدآ بالنسبة الي خلتني أتشجع أكتر لدرآسة مجال الصحافة والإعلام بالمستقبل لحتى أدعم الفن بهالمجآل إن شاء الله .
أطمح إني أكون في يوم من الأيام فنانة وإعلامية مشهورة يشآر اليها بالبنان . بالنهاية ما في شي صعب بوجود الإصرار والممارسة ، و اللي عنده هدف بقدر يوصله بجهده بدون ما يعتمد ع حدآ وإن الفشل هو أول خطوة للنجاح ،حاول مرة ومرتين ورح تزبط معك ، ولا تخلي الإحباط و التشآؤم و الإنتقادات يسيطروا عليك ، بالعكس خليهم يكونو سبب نحاجك ووصولك لهدفك .
