بلقيس العبادي ، الأردن
حابه احكي عن نعمه الله اعطاني ياها وهي الرسم ،الرسم شغف بالنسبه الي الرسم هو كتفي التالت ، قلبي التاني ، وصديقي الأول ..
بدايتي كانت طفولية ، خطوط ما الها معنى والوان ما الها لون ورسم 24ساعة ما اله روح ...
يوم بعد يوم كنت بتحسن وهالخطوط تصدمني ويطلع معي رسم حلو ، رسمت جداريات ولوحات بكل مكان لحد ما قررت أدخل مجال البورتريه وهو أصعب انواع الرسم ..
طبعاً كان يطلع معي الصورة شكل والرسمه شكل والحلو كنت أعيديها بقلب بارد وأرسم نفس الشخص مرتين وتلات ..
بعدين لجأت لليوتيوب ولقيت فيه كل اللي بدي ياه وصارت ايدي تتعلم الصح وإختصرت كتير أشياء فكان سر النجاح هو اإني أصريت على إني أتعلم وضليت ورا حلمي وبدا يزبط معي البورتريه ..
صراحه بعد ما بديت أتقن البورتيه بحكي جد ما في اشي بالدنيا أحلى من إنه تكون شخص بقدر يرسم الناس.
فرحة الشخص لما يشوف رسمته و شكله وهو بتأمل ملامحه ع ورق ، شعور لا يوصف .
في مقوله بحبها كتير .. #ما_خلقك_الله_إلا_لأمر_عظيم _فاغتنم ..
اغتنم هالحياة و عيش وأعمل اللي بتحبه ، إغلط مرة ومرتين وعشرة وجرب طعم النجاح .
