أحمد ضمره ، الأردن
عندي هوس اسمه تصوير .. سافرت لفلسطين وتعرفت على أشخاص بمجال الإعلام ومن هناك كانت البداية ..
بديت رحلتي بالتصوير وكنت مبسوط كثير فيها وأي شي بشوفه حلو كنت أصوره ، تأثرت بهالمجال من أصدقاء الي بفلسطين في مجال الاعلام وكيف إنهم كانوا ينزلوا عند المواجهات ليغطوا الأحداث ، بس ميولي ما كان صحفي .
دخلت بعدة مجالات كالبورتريه واللاندسكيب والحياة الصامتة حياة الشارع ..
لكن المجال الأقرب على قلبي اللاندسكيب لإنها بتظهر إبداع الخالق في تكوين الكون .
الخبرات العالمية بالنسبة الي مدرسة ، والمصور لازم يكون مثقف لهيك بقرا وبشاهد يوتيوب وكل يوم بتعلم شي جديد وأعتبر نفسي بالبدايات .
الصورة إذا ما كان التقاطها صحيح من ناحية تكوين والوان واضاءة ، حتى لو إشتغلناها عالفوتوشوب ما رح نطلع بالنتيجة الجيدة ، بالعكس الصورة الصحيحة هي الي بتم التعديل عليها لإبراز جمالياتها .
و الإختلاط بالثقافات الأخرى من الاشياء اللي بتعطيكي أفكار ممكن تبرزها وتبدع بتكوينها بصورة ، وانه فكرة إني أتعلم من أقل شخص عنده معلومات لأكثر شخص ، بكسبني مهارات ممكن أجمعها بصورة .
في صورة قريبة على قلبي شاركت فيها بمسابقة تقاطع ضوئي وفزت بالمركز الاول على محور الطبيعة وكنت سعيد جداً بهيك إنجاز .
بستنى الفرصة المناسبة لإقامة معرض وعرض صور من تصويري ..
التواضع والأخلاق والمتابعة أول بأول لأي جديد والقراءة ومشاهدة الدروس والمعارض والتحاور بين أصحاب الاختصاص سيجعل من المصور ناجح .
كما أن برامج التحرير مكملة لمجال التصوير وإضافة لمسات سحرية على الصوره وليس كما يفهما أغلبية الناس إنما هي شئ مكمل للصورة .
لولا الضوء لما تكونت الصورة و في أي صورة العامل الرئيسي لها الضوء وهو أكثر ما يشدني لتصويره .
