يزن مسمار ، الأردن
كان الرسم دائما موجود بحياتي.. وأنا صغير دائما أستخدم الرسم كوسيلة و خدعة لفتح أحاديث و إنشاء صداقات مع الأطفال الآخرين كوني لما كنت طفل مهاراتي الاجتماعية ما كانت قوية ... لكن بديت أطّور فيها فعليا و ابني هالهواية من حوالي ٦ سنين فقط ...
تخرجت تخصص هندسة مدنية و حالياً بشتغل رسام و جرافيك ديزاينر حر لإنه بهالمجال بلاقي شغفي و متعتي...
رح احكي عن مشروعي الأخير المشروع الاخير هي رسمة على مبنى ٦ طوابق اشتغلت عليها لمدة ٥ أيام و هو مشروع تابع لـ event
إسمه open art museum و هاي هي السنة الاولى اله ... هدف المشروع هو نشر الثقافة الفنية في شوراع الأردن و المجتمع و تلوين المدينة كون منظرها العام معتمد على الوان قليله جدا للأسف و بوجود الكثير من التلوث البصري ..
