آلاء الزيود - لا تمد رجليك على قد لحافك
- Admin
- 30 ديسمبر 2016
- 1 دقائق قراءة
آلاء الزيود ، الأردن
كنت طالبة جامعية وكان تخصصي هندسة برمجيات وبهديك الايام كنت دائماً بسعى لايجاد فرصة عمل
وبالفعل اشتغلت خلال دراستي بتدريب دورات ICDL لستات كبار وهذا الي صعب مهمتي علي.
وبعد تخرجي اشتغلت بشركة برمجيات لمدة سنة (مش واسطة) ابدا.. وانما سعي وتقزيز الشركات.
مثلت شركتي وبلدي خلال هاي السنة بمعرض جايتكس بدبي وفمرة هالمعرض قائمة على عرض مشاريع او منتجات رقمية وبرمجية وتكنولوجية .. وهناك شعرت انه ميولي بتجه نحو التسويق اكتر من البرمجة. قررت اكمل ماستر واتخصص بتخصص تفاعل الانسان والكمبيوتر HCI حتى أقلل من الفجوة بين تخصصي و ميولي.
سنتين الماستر كانوا من اصعب سنوات عمري وكانت فترة مُرهقة مادياً وجسدياً وفكرياً خاصة اني وقتها كنت بشتغل بعمان بشركة سوشال ميديا وبيتي بالزرقاء.
وكان بيمر علي أيام ما بنام فيها إلا ساعه واحياناً ما بنام ابداً لمدة ٤٨ ساعة متواصلة ما بين عمل ودراسة ومسافة الطريق البعيدة.
في خضم هالتعب كنت بآمن انه خطأ امد رجلي على قد لحافي وكانوا رجلي دايما طوال ولحافي قصير وكنت بشتغل على لحافي لحتى يطول ويكبر ويدفي احلامي.
بحمدالله الان انفصلت عن عملي بالشركات وأسست عمل خاص بي بمجال التدريب على ادارة الصفحات ودربت ما يزيد على ٣٠٠ شخص بمؤسسات محلية وعربية منها مستشفيات كبيرة وجامعات حكومية . وبقدم خدمات ادارة الصفحات بعد خبرتي بمجال ادارة صفحات المشاهير.
وأسست اول روضة ثنائىية اللغة ومتخصصة بالموهبة والابداع في القرى الاردنية الاقل حظاً ايماناً مني بحق اولاد القرى بتعليم نوعي.
و انهيت الماستر بتقدير امتياز. وحالياً بحلم لتأسيس اكاديمية مختصة بتعليم التسويق الالكتروني وماشية ع هالطريق. نصيحتي للي بمروا حاليا على حروفي هي اوعك اوعك تمد لحافك ع قد رجليك.
Comentários