أسماء الصلاحات ، الأردن
بدأت الرسم من وأنا صغيرة ، كنت أتابع كرتون كتير وأحاول ارسم كتير وكنت أفشل ، وبكل مرة كنت أفشل فيها كان يزيد إصراري ؛ لحتى صار رسمي يتحسن ضليت ارسم واعتبرتها كهواية فقط ، بس وصلت للتوجيهي إلتهيت بالدراسة ،وتركت الرسم فترة ولما خلصت دراسة كنت حابة اتخصص تربية خاصة ومع تشجيع من الأهل إني أدخل هاد المجال، وفعلاً سجلت تربية خاصة وخليت الرسم هواية بس بدأت بدراسة التربية الخاصة ما قدرت اتأقلم مع التخصص مع إني كنت حابيته بس الرسم كان شغفي فقررت إني ادرس جرافيك ديزاين .
واتخصصت فيه ورجعت درست جرافيك ديزاين بكلية القدس والحمد لله وبعد ما تخرجت اشتغلت بشركة تصميم كانت متخصصة بأعمال الموشن جرافيك ومنها تخصصت برسم الستوري بورد والفكتور بشكل عام ، والفكتور المخصص للموشن جرافيك أو للتحريك .
وأيضاً كنت أشاهد أعمال الرسامين والمتابعة معهم من خلال مواقع التواصل الاجتماعي ، وكان عندي ميول كبير لهذا النوع من الرسم وهاد الشي شجعني إني أعمل صفحة خاصة فيي وانشر فيها أعمالي ورسوماتي والحمد لله حالياً بشتغل بالاردن ومع أكثر من شركة بدول الخليج . الطموح كنز والإصرار عظيم والعمل هو الأهم .
