دانا الخانجي - جرافيك / موشن جرافيك
- Admin
- 30 ديسمبر 2016
- 1 دقائق قراءة
دانا الخانجي ، الأردن
خريجة ملتميديا / الجامعة الاردنية ٢٠١٦ ..
من وانا صغيرة كنت أحب أرسم كرتون و أتعلم من التلفزيون و أخترع شخصيات من خيالي ..
مع انه بالمدرسة ما كان في اهتمام ابداً بهيك أمور بس عيلتي دايماً كانوا يشجعوني و يحكولي بكرا بتصيري مهندسه لانه بتعرفي ترسمي !! وانا كنت أنبسط و أفكر انه الهندسه الشي الوحيد الي ممكن أدرسه !!
بس صرت توجيهي ما جبت معدل منيح للهندسه دخلت تخصص بيولوجيا بالاردنية حسب معدلي ، رسبت اول فصل بكل المواد وكان لازم احول اجيت للجامعة على التوكل مو حاطة ببالي لشو بدّي احول بالصدفة طلعلي واحد من مسجلين الفنون و عرفت انه في كلية فنون بالاردنية
درست ملتيميديا وجبت معدل منيح ، و صرت اعمل أفلام كرتون وهو الشي الي كنت احلم اعمله وانا صغيرة .. صح لسا ما وصلت لكل شي بدي ياه بس عم اتعب على حالي و مافي شي مستحيل .
Comments