عقيل عدنان ، الجمهورية العربية السوررية .
من لما كنت صغير بحب أرسم الطبيعة وبالفترة الاخيرة من سنة تقريبا ركزت على موهبتي ونميتها بمجهود شخصي وبدون حتى دورات للرسم
كنت عند صديقي ولفتت انتباهي لوحة زيتية جدارية في بيته تمعنت فيها كتير لدرجة انني دخلت في اللوحة وعشت تفاصيلها
ومن تلك اللحظة فكرت ارسم بالالوان الزيتية مع انه ماعندي فكرة نهائياً عن الرسم الزيتي وبدأت بأول لوحة زيتية بس مع الاسف ماطلعت متل مابدي ومتل ماتخيلتها فأُصبت بإحباط..
بس ما تراجعت وقررت وصممت على انه ارسم لوحات احلى منها والحمدلله رسمت اكتر من لوحة ولقت اعجاب من بعض الاشخاص فنصحوني اعرضهم للبيع
عرضتهم على الرصيف عند جامعة اليرموك في مدينة اربد لمدة 4 ايام ولقت اعجاب وصدى رهيب الحمدلله واجت صبية حكتلي عن ايفنت على الفيسبوك اسمه فنان مش مشهور وبالفعل نشرت اعمالي وبعد فترة بسيطة تواصلوا معي وحكولي انه ترشحت لمعرض في فندق حياة عمان
الحمدلله شاركت بالمعرض واعمالي لقت اعجاب كتير من الناس تكرمت من موقع الاوائل بشهادة تقدير بالرسم الزيتي ..
طموحي افتح مرسم ومركز تدريب للرسم الزيتي ..
