مجدولين خير ، الأردن خريجة هندسة برمجيات.. من وانا صغيرة بعشق اشي أسمه رسم ..والدي رسام ورثت هالموهبة عنه .. دائماً كنت أحب أضل أرسم وألون بالمدرسة واي مدرسة بروحها بترك فيها بصمتي بالفن على حيطانها.. مرت الأيام وأنشغلت بدراستي وبعدت شوي عن الرسم ..
وانا عمري 17 سنة بصف اول ثانوي أنتقلت على مدرسة جديدة كان في بنت فنانة كتير كانت تورجينا رسوماتها
انا بصراحة غرت منها وتزكرت حالي اني بعرف ارسم وبطلع معي زي رسمها واحلى وكانت دافع رجعني للرسم ..
بلشت أطور حالي شوي شوي ..رسمت صاحباتي ودكاترتي بالجامعة واهلي وكتير ناس .. كل رسمة برسمها كنت
أتطور فيها عن قبل ..
تخرجت من الجامعة وما كنت لاقية شغل بلشت أفكر كيف استغل موهبتي بالرسم لاستفيد ماديا.. عملت بيج خاص فيي عالفيس بوك واكاونت عالانستجرام وبلشت استقبل طلبات رسم بمعدل 66 رسمة او اكتر اسبوعياً.. خلال سنة من التخرج لقيت شغل وخلال هاد الشغل أخدت دورة تصميم العاب إلكترونية فبلشت افكر كيف ممكن ادخل هوايتي اللي بحبها بالاشي اللي بتعلمو وبدي اشتغل عليه ..
بلشت أتعلم على برامج الرسم والتصميم وطورت مهاراتي بشكل ممتاز عليهم.. صممت ديزاين لعبتين.. وحالياً عم بشتغل بتصميم تطبيق للرسم.
