الآء علام ، الاردن
أول مره رسمت بالصف السادس وكان مطلوب نرسم حيوان ... فرسمت و حسيت وقتها عندي موهبه الرسم ،صرت اجيب دفاتر تلوين واطبع الدفاتر واعمل دفاتر جديده واعمللها غلاف بأسمي
تعودت على تركيب ملامح الرسمات وبديت ارسم نقل بدل طباعه بالاول رسماتي كانت بسيطه وكنت اضل ارسم شخصيات من الكرتون وصور من النت
مرة شفت عاليوتيوب رسم صورة انجلينا جولي رسمت معهم خطوه بخطوه وطلعت بالنسبه لمستواي يومها شي كتير حلو وعلى نفس الخطوات ضليت ارسم بس اغير شوي بالملامح و شكل الشعر او اللبس
كنت اتمنى ارسم شخصيات حقيقيه وهالشي متل حلم ما تخيلت انو اقدر اوصل اله بس كنت متفائله انو اذا اشتغلت على حالي رح اوصل للي بدي ياه .....
شاركت بجروبات عالفيس للرسم واتعلمت من رسمهم وملاحظاتهم وكمان كنت اشارك ب مسابقات .
الحمدلله تطور رسمي بشكل كتير كبير بالنسبه لقبل ونفسي أوصل للمستوى الي بدي ياه وان شاءلله بصير هالشي.
