تامر جراجرة ، الأردن
عملت انا وفريقي (محمود اغوات، كرم جويحان ، عودة سحيمات ) لعبة في بدايات تعليمنا وكانت سيئة و هذه حقيقه بس بصراحة حاب احكيلكم قصتها و كيف هذه اللعبة غيرت حياتي .... انا مثل اغلب الناس بحب الكمبيوتر كثير ولما كان عمري 5 سنين كنتاول مرة بشتري كمبيوتر ... اما في المدرسة كنت اول واحد يوصل المختبر ، درست بمدارس كثير و الحمدلله ربنا كاتبلي ادخل بمدرسة كان المدير فيها بهتم في ابداع الطلاب و بقوم بتنميته... و هذا كان كفيل بأنه يفتحلي أبواب ماكنت بحياتي ممكن افكر فيها ... في 13/4/2014 وصل كتاب من وزارة التربية والتعليم ، والكتاب بحكي عن تحدي التطبيقات الإلكترونية ... طبعا انا كان اسمي على الكتاب وهمه اختاروني مش عارف ليش ! كان من الداعمين لأفكارنا و مساعدينا غير اساتذي العزيز و مديري و مختبر الالعاب اخذونا 5 ايام على عمان نتدرب .. دورة مكثفة تصميم و تطوير العاب Android طبعاً الأمر مضحك ... كنت ما بحياتي كاتب سطر برمجة اول يوم كتبت 500 سطر ... و كنا متفوقين على الافرقة الثانية بأشواط طبعاً بحكي عن 126 مدرسة تأهلنا لل 10 الأوائل .... بعد 7 اشهر من انتهاء الدورة .. 7 اشهر كلها بحث و كلها تدريب و بمتابعه من مدير المدرسة و اشراف الاستاذ سعيد وكل يوم تجي عنا مديرة تربية و تعطينا دعم معنوي و تحفزنا ..
بالنهاية... عملنا لعبة واخذنا مركز ثاني على مستوى المملكة . وسمينا اللعبة كاركو
شاركت كمدير لفريق تشكيل لصناعة الألعاب في اكثر من مؤتمر و اكثر من تجمع لصناع الألعاب على مستوى عالمي بإمتياز وكان من الداعمين لأفكارنا و مساعدينا غير اساتذي العزيز و مديري مدير شركة ميس الورد نور خريس و مختبر الالعاب
كانت في كثير مصاعب تواجهني انا شخصياً .. عدم دراية الناس بهيك مجال وقت ما تتكلم عن صناعة العاب و تصميم و برمجة كان في استهزاء من معظم الناس و تزامنت هاي الفترة مع بدء التوجيهي و الدراسة كان صعب الشغل بهيك فترة و بالمقابل دعم من ناس كثير هيك كانت البداية بالنسبة الي بمجال تصميم و تطوير الالعاب انا
وفريقي و ان شاء الله رح نكمل و ننهي المشاريع الي بديناه .
