صهيب إسليمية ، الأردن
الوضع كان ممتاز لحد ما وصلت التوجيهي فشلت بأول سنه .، غيرت التخصص و ما زبط معي !!
من باب تغير النفسية إشتغلت بمطعم ( نادل ) .. مرق الوقت وما حبيت الوضع صرت كل يوم بالشغل أحكي مع حالي وأقول أنا عندي موهبه ليش ما اشتغل عليها ؟؟ صرت ادور بالمواقع على شواغر جرافيك ديزاين الفكرة كانت جنون أو شبه مستحيل ، لانه ما معي شهادة واصلا الخريجين يا دوب ملاقيين شغل .. لقيت شاغر قلت خليني اجرب رحت وعملت تيست ، حكولي بنردلك خبر .. طلعت من المقابلة وعارف انهم ما رح يرنولي لانو قدموا معي خريجين والأولويه للي دارس .
مرقت فتره ورنولي حكولي في مقابله ثانيه بكرا ، ورحت قابلت المدير وقلي انت من بين اللي اخترناهم .. اتفقت مع المدير على الراتب ووقعت عقد اللي اصلا ما قرأته من الفرحه
الحمدلله انا عندي حلم ورح امشي عليه شو ما كانت ظروفي وإمكانياتي .. ودراستي رح أكملها انشالله .
