أمال نزال ، الأردن
حبي لعمل الحلويات بدأ معي من وانا وصغيرة..
لما كنت في بيت اهلي، ماما ماكانت تسمحلي اعمل كيك عشان المواد ما تروح خسارة وحرام تنكب..
بس بابا كان يشجعني دائماً ويحكيلي اذا ما خربتي ما راح تزبطي.. اعملي وانا باكلها حتى لو خربت.
ومع التكرار صرت امارس موهبتي واتفنن بالكيك.. مرة سويسرول مرة اكلير مرة بسكوت .
لحد ما صرت شاطرة بس بحدود اهلي وبيتي وجيراني.. وكانوا الجيران يوخدوا وصفات مني.
ولما انتشر النت حط بين ايديّ عالم واسع من صنع الحلويات اتمكنت من خلاله انمي موهبتي واتوسع واتنوع بالحلويات..
مرة من المرات بالصدفة كانت صديقة الي على لفيس بوك بتعمل بمجال الكيك بدها تبيع مستلزمات وادوات خاصة بعمل الحلويات اللي بتتخصص فيها المحلات.. وهون كانت بداية مشواري الحقيقي بشغل الكيك
اشتريت الادوات وبلشت بشكل رسمي اعمل وابيع ..وبس زاد الطلب عملت صفحة خاصة بشغلي عالفيس cupcake and more حلمي انه يكون عندي محل متواضع للحلويات...وحابة اسميه (توت احمر)
يارب يتحقق هالحلم واشوفكم بتزوروني بمحلي (توت احمر).
